Türkiyədə illik inflyasiya sürətində son səkkiz ayda ilk dəfə olaraq azalma başlayıb.

Sfera.az Türkiyə Statistika Təşkilatına (TÜİK) istinadən xəbər verir ki, mayda 75,45 faiz olan illik inflyasiya iyunda 71,6 faizə düşüb. Aylıq müqayisədə isə inflyasiya son bir ilin ən aşağı səviyyəsinə enib.

İyun ayı ərzində qiymətlər 1,64 faiz artıb. TÜİK məlumatlarına görə, iyunda ən yüksək aylıq artım 3,79 faizlə mənzil bazarında olub. Təhsildə 3,5 faiz, restoran və otellərdə 3,1 faiz bahalaşma baş verib.

Qeyd edək ki, hazırda dünyanda ən yüksək inflyasiyanın müşahidə edildiyi ölkələrdən biri Türkiyədir. Türkiyə hökuməti illik inflyasiyanın ilin sonuna qədər 30-40 faiz intervalına düşəcəyinə inanır.

Vasif