Son günlər Çikaqo əmtəə birjasında buğdanın qiymətində enmə müşahidə edilir. 

Sfera.az xəbər verir ki, ötən həftə ərzində bir buşel buğdanın dəyəri 3,5 faiz azalaraq 5,26 dollara düşüb. 

Bu qiymət səviyyəsi 2020-ci ilin avqustundan bəri müşahidə edilən ən aşağı səviyyədir. 

Qeyd edək ki, bir buşel buğda 27,2 kq-a bərabərdir. Bir buşel buğdanın qiymətinin 5,26 dollara düşməsi o deməkdir ki, Çikaqo birjasında buğdanın bir tonunun dəyəri 193 dollara qədər azalıb. 

Müqayisə üçün bildirək ki, Çikaqo birjasında bir il əvvəl buğdanın bir tonunun dəyəri 285 dollardan yüksək idi. 

ABŞ-də buğdanın ucuzlaşması Rusiya buğdasının ucuzlaşması və Çinin ABŞ-dən buğda alışlarını ləğv edə biləcəyi xəbərinin yayılmasından sonra baş verib. 

Azərbaycan buğdanın çox hissəsini idxal etdiyindən bu məhsulun ucuzlaşması bizim üçün əlverişlidir. Əgər buğdanın mövcud qiyməti uzun müddət qalarsa, Azərbaycanda un məmulatlarının qiymətində bir qədər də azalma baş verə bilər. 

Vasif