Türkiyədə dollar 32 lirəyə ÇATDI

Türkiyədə lirənin sürətlə ucuzlaşmasının qarşısını almaq mümkün olmur. 

Sfera.az xəbər verir ki, fevralın 27-də məzənnəsi 31 lirəyə yüksələn dollar bu gün birjalarda 32,95 lirədən baha satılıb. Cəmi 10 gün ərzində dollar daha 1 lirə bahalaşıb. İlin əvvəlindən isə dolların məzənnə qiymətində 2,4 lirə artım qeydə alınıb. 

Maraqlıdır ki, lirənin ucuzlaşması dolların qlobal məzənnə dəyərinin enməsinə baxmayaraq baş verir. Bir müddət öncə Dollar İndeksi 104 olduğu halda hazırda 102,7 həddinə enib. İndeksin enməsi qlobal səviyyədə dolların ucuzlaşması anlamına gəlir. Qlobal miqyasda dolların ucuzlaşmasına baxmayaraq, Türkiyədə dolların yüksəlməsi ondan xəbər verir ki, ölkədə lirə ilə vəsaiti olanların çox hissəsi dollar almağa üstünlük verir.

Türkiyədə dolların bahalaşmasına qızılın bahalaşması da təsir göstərir. Belə ki, Türkiyə əhalisi yığım vasitəsi kimi qızıldan da istifadə edir. Son günlərdə qızılın qiyməti dünyada çox artdığından əhali qızıl almaqdansa, dollar almağı daha çox üstün tutur. Buna görə də dollara tələb bir qədər də artır. 

Vasif