Azərbaycan Respublikası Dövlət Neft Fondunun neft və qaz satışından daxil olan gəlirləri xeyli azalıb. 

Sfera.az xəbər verir ki, 2024-cü ilin yanvar və fevral ayları ərzində “Azəri-Çıraq-Günəşli” yatağından gəlir 862 milyon dollar, “Şahdəniz” yatağından gəlir 78,5 milyon dollar olub. 

Ötən ilin eyni dövrü ilə müqayisə etdikdə görürük ki, neft və qaz gəlirləri xeyli azalıb. Belə ki, bir il əvvəl “Azəri-Çıraq-Günəşli” yatağından gəlir 1,324 milyard dollar, “Şahdəniz”dən gəlir 535 milyon dollar olmuşdu. 

İki dövrün müqayisəsi göstərir ki, bu il “Azəri-Çıraq-Günəşli”dən gəlirlər 462 milyon dollar və ya 53,6 faiz, “Şahdəniz”dən gəlirlər 456,5 milyon dollar, yaxud 6,81 dəfə azalıb. 

“Azəri-Çıraq-Günəşli” yatağı üzrə gəlirlərin azalması hasilatın azalması və müəyyən qədər neftin ucuzlaşması ilə bağlıdır. Amma “Şahdəniz” üzrə gəlirlərin azalmasının dəqiq səbəbini izah etmək çətindir. Çünki bu il Azərbaycanda qaz hasilatı və ixracı artıb.

Vasif