Azərbaycanda fevral ayında dollara güclü tələbin yaranmasından sonra son günlər keçirilən hərraclarda tələbin tədricdən zəifləməsi müşahidə edilir. 

Sfera.az Mərkəzi Banka istinadən xəbər verir ki, bu gün keçirilən növbəti valyuta hərracında banklar 68,9 milyon dollar dəyərində valyuta alıblar.

Bundan əvvəl hərrac fevralın 29-da keçirilib və həmin hərracda bankların tələbi 80 milyon dollar təşkil edib. Xatırladaq ki, əvvəlki hərraclarda tələbin 100 milyon dollardan yüksək olması müşahidə olunmuşdu. 

Mart ayında dollara tələbin zəifləməsi ehtimalı böyükdür. Çünki bu ayda bayramlara görə əhalinin xərcləri artır, manatla dövriyyə böyüyür. Bu vəziyyətdə dollara tələbin zəifləməsi ehtimalı var. Əgər növbəti hərraclarda da dollara tələb böyük olmasa, o halda psixoloji amillərin də təsiri ilə növbəti hərraclarda banklar daha az valyuta alacaq. 

Vasif