Türkiyə Mərkəzi Bankının ilk xanım sədri Hafize Qaye Erkan da quruma uzun müddət rəhbərlik etmədən istefa verib. Bununla da Mərkəzi Banka qısa müddət rəhbərlik edən şəxslərin sayı 5-ə çatıb. 

Sfera.az xatırladır ki, son 6 ildə Türkiyədə Mərkəzi Bankın rəhbərlərinin heç biri öz sədrlik müddətini tam başa vura bilməyib. Bunun başlıca səbəbi isə ötən 6 il ərzində türk lirəsinin sürətlə ucuzlaşmasıdır. Lirənin ucuzlaşmasına görə Mərkəzi Bank günahkar bilindiyindən bank rəhbərliyi daha tez-tez dəyişib. 

Altı il əvvəl Türkiyədə dollar 4,8 lirə idi. Dollar bir il sonra 7 lirəyə, iki il sonra 10 lirəyə, dörd il sonra 14 lirəyə, hazırda isə 30,5 lirəyə yüksəlib. 

Xüsusən, Hafize Qaye Erkan sədr seçiləndən sonra dolların sürətlə bahalaşması müşahidə edilib. Onun rəhbərliyi dövründə dollar 19 lirədən 30,5 lirəyə çatıb. 

Hafize Qaye Erkan istefa verməsinin səbəbini yaş yarımlıq övladına görə tənqid edilməsi ilə əlaqələndirsə də, türkiyəli analitiklər bunu daha çox Maliyyə Nazirliyi ilə yaranan problemlərlə əlaqələndirir. 

Hər halda Türkiyə gərgin maliyyə dövrünü yaşayır və belə dövrdə Mərkəzi Banka rəhbərlik etmək də asan deyil.

Vasif