Türkiyə turizmdən rekord gəlir əldə edib – RƏQƏMLƏR

2023-cü ildə Türkiyənin turizmdən əldə etdiyi gəlir ən yüksək səviyyəyə çatıb.

Sfera.az xəbər verir ki, Türkiyə ötən il ərzində turizmdən 54,3 milyard dollar gəlir əldə edib. Gəlirin artması ilə yanaşı, ölkəyə gələn turistlərin sayında da rekorda nail olunub. Bir ildə Türkiyəyə 56,7 milyon turist səfər edib.

Ən çox turist Rusiyadan (6,3 milyon), Almaniyadan (6,2 milyon) və İngiltərədən (3,8 milyon) gəlib. Türkiyəyə səfər edən turistlər orta hesabla adambaşına 952 dollar xərcləyiblər.

Qardaş ölkədə bu il turist sayının 60 milyon, əldə edilən gəlirin isə 60 milyard dollar olması proqnozlaşdırılır.

Vasif