"Bakı Karton və Qutu Fabriki" MMC-yə Sumqayıt Kimya Sənaye Parkının rezidenti statusu verilib və rezidentlərin sayı 39-a çatıb.

Sfera.az xəbər verir ki, bununla bağlı iqtisadiyyat naziri Mikayıl Cabbarov məlumat paylaşıb. Nazir qeyd edib ki, şirkət tərəfindən Sənaye Parkının ərazisində inşaat materiallarının və aqro-sənaye məhsullarının qablaşdırılması üzrə karton kağızın istehsalı fabriki yaradılacaq. İnvestisiya dəyəri 20 milyon manat olan müəssisədə 100 nəfərin daimi iş yeri ilə təmin olunması nəzərdə tutulur.

Məlumat üçün bildirək ki, sənaye parklarında rezident dedikdə sənaye parkının qeydiyyat şəhadətnaməsini alan və sənaye parkında fəaliyyət göstərən hüquqi şəxs və ya hüquqi şəxs yaratmadan sahibkarlıq fəaliyyətini həyata keçirən fiziki şəxs nəzərdə tutulur. 

Vasif