Yalnız əmək pensiyaları deyil, həmçinin vətəndaşların pensiya kapitalı da 2024-cü ildə indeksləşdirilərək artırılmalıdır. Bu barədə “Əmək pensiyaları haqqında” qanunda qeyd olunub.

Bəs bu il pensiya kapitalları nə qədər artacaq?

Bununla bağlı Sfera.az-a açıqlama verən deputat, iqtisadçı-ekspert Vüqar Bayramov bildirib ki, pensiya kapitalları 2023-cü ildəki illik inflyasiya səviyyəsinə uyğun olaraq artırılacaq:

““Əmək pensiyaları haqqında” qanunun 29.1-1 maddəsində qeyd olunur ki, sığortaolunanların fərdi şəxsi hesabının sığorta hissəsində qeydə alınan pensiya kapitalı ildə bir dəfə istehlak qiymətləri indeksinin illik səviyyəsinə uyğun olaraq indeksləşdirilir. Bu, həmin şəxsin pensiyaya çıxan zaman daha çox pensiya alması və kapitalın inflyasiyadan qorunması baxımdan vacibdir”.

Millət vəkili qeyd edib ki, istehlak qiymətləri indeksi 2023-ci ildə 8,8 faiz olub:

“Bu, o deməkdir ki, vətəndaşların pensiya kapitalı 8.8 faiz artırılacaq. Yəni, vətəndaşımızın 50 min manat pensiya kapitalı varsa, onun vəsaiti bu il 4 min 400 manat olacaq.  Qeyd edim ki, pensiya kapitalı əmək pensiyaları ilə birlikdə indeksləşdirilir. Əmək pensiyalarının 11 faizə yaxın indeksasiya olunacağı gözlənilir. Hər iki göstərici ilə bağlı sərəncamın Prezident tərəfindən gələn ay imzalanacağı gözlənilir”.

Firuzə Əliyeva