Çin hökuməti ölkədə 2024-cü ili "istehlakın təşviqi ili" elan edib. 2023-cü ildə Çində iqtisadi artım 4.6%, orta illik inflyasiya isə 0.2% təşkil edib.

Sfera.az xəbər verir ki, bu barədə fikirləri Milli Məclisin deputatı Tahir Mirkişili bildirib.

"Çin iqtisadiyyatının daha sürətlə inkişaf etməsi gözlənilirdi, çünki pandemiyadan sonra Çin öz iqtisadiyyatındakı məhdudiyyətləri sürətlə və geniş şəkildə aradan qaldırmağa başlayıb. Amma əksinə, Çində iqtisadi artım daha zəif oldu. Əmlak bazarlarında qiymətlər düşdü, ixrac azaldı, gənclər arasında işsizlik artdı və iqtisadi subyektlər həddindən çox borcla yükləndilər."

Deputat bildirib ki, proqnozlara görə 2024-cü ildə Çinin iqtisadi artımı 4.5%-dən də az olacaq.

“Bu isə həm Çin, həm də dünya iqtisadiyyatı üçün yaxşı heç nə vəd etmir. Bunun qarşısını almaq üçün, hökumət istehlakı təşviq etmək, fəallığı artırmaq istəyir. Dünyada yaşıl iqtisadçılar isə istehlakı təşviq etməyin, ətraf mühitin və dünyanın məhvinə səbəb olacağını iddia edirlər”.

Ülkər Abdurahmanlı