Azərbaycanda verilən biznes kreditlərinin çoxunu iri sahibkarlar alır. 

Sfera.az xəbər verir ki, 2024-cü ilin yanvarın 1-nə olan məlumata əsasən, biznes kreditlərinin həcmi 12,62 milyard manat olub. 

Biznes kreditlərinin daha çox hissəsi iri sahibkarlara, az hissəsi isə kiçik sahibkarlara verilib. 

Kiçik sahibkarların kredit borcu 1,585 milyard manat olduğu halda iri sahibkarların aldığı kreditlərə görə borc 6,251 milyard manat təşkil edib. 

Qeyd edilən tarixdə mikro sahibkarın kredit borcu 2,63 milyard manat, orta sahibkarların borcu isə 2,15 milyard manat olub. 

Son 6 ay ərzində biznes kreditlərindəki 966 milyon manatlıq artımın çox hissəsindən iri sahibkarlar bəhrələnib. Belə ki, iri sahibkarların kreditləri 944 milyon manat artıb. 

Artım mikro sahibkarların kreditlər borcunda da (423 milyon manat) müşahidə edilib. 

Amma orta və kiçik sahibkarların aldığı kreditlərin həcmi azalıb. Orta sahibkarların borcu 302 milyon manat, kiçik sahibkarların borcu isə 166 milyon manat azalıb. 

Vasif