Rusiyanın bu ölkə ilə ticarəti 200 milyard dolları ötüb – İLK DƏFƏ
2023-cü ildə Rusiya ilə Çin arasında ticarət dövriyyəsinin həcmi ilk dəfə olaraq 200 milyard dolları ötüb.
Sfera.az xəbər verir ki, bununla bağlı məlumatı Çin Gömrük İdarəsi açıqlayıb.
Çin tərəfinin açıqladığı məlumata əsasən, ötən il Rusiya ilə xarici ticarət əməliyyatlarının həcmi 26,3 faiz artaraq 240,1 milyard dollara çatıb.
İki ölkə 2023-cü il üçün 200 milyard dollar səviyyəsində qarşılıqlı ticarəti hədəfləyirdi. Amma faktiki göstərici bundan xeyli yüksək olub.
Bununla da Çin Rusiyanın ən böyük ticarət tərəfdaşına çevrilib.
Çinlə xarici ticarət dövriyyəsinin sürətlə artması Qərbin Rusiyaya qarşı geniş sanksiyalar tətbiq etməsindən sonra müşahidə edilib. Çin Rusiyadan ucuz enerji məhsulları və digər xammalları alır, əvəzində Rusiyaya maşınqayırma, elektronika və digər məhsulları satır.
Vasif
