Dövlətlərin ümumi borcu bu il 2022-ci ilə nisbətən 5,4 faiz artaraq 97 trilyon dollara çatıb.

Sfera.az xəbər verir ki, dünyada ən çox dövlət borcu olan ölkə isə ABŞ-dir.

ABŞ təxminən 33 trilyon dollarla dünyanın ən çox borcu olan dövlətdir. BVF-nin məlumatlarına görə, “COVID-19”dan əvvəl, yəni 2019-cu ildə qlobal dövlət borcu 74 trilyon dollar idi. Bu il 2019-cu ilə nisbətən dövlətlərin borcu 32,8 faiz artıb. 

ABŞ-nin bu il dövlət borcu keçən illə müqayisədə 10 faiz artıb. 

Çin, 2023-cü ilin oktyabrına 17,2 trilyon dollara çatan dövlət borcu ilə ABŞ-dən sonra dünyanın ən çox borcu olan ikinci ölkəsidir. İnfrastruktur və sosial-iqtisadi proqramlara külli miqdarda vəsait xərcləyən Çin hökuməti son illərdə Çin Mərkəzi Bankının iqtisadiyyatı stimullaşdırmaq üçün faiz dərəcələrini aşağı səviyyədə saxlaması səbəbindən borclanma həcmini artırıb. 

Yaponiya 11 trilyon dollarlıq dövlət borcu ilə ABŞ və Çindən geridədir. 

Son məlumata görə, Yaponiyanın dövlət borcu ÜDM-in 255 faizi qədərindədir. Yaponiyanın dövlət borcunun ÜDM-ə nisbətinin yüksək olmasının əsas səbəbi kimi onun əhalisinin qocalması, bu əhaliyə dəstək xərclərinin artması və vergi ödəyən gənc əhalinin sayının azalması göstərilir. 

Vasif