Türkiyədə minimum maaş 1000 manata çatdırıldı
İqtisadiyyat
14:44 / 28.12.2023
9697
Türkiyədə xalis minimum əməkhaqqı 49,11 faiz artırılaraq 17 020 lirəyə çatdırılıb. Bu məbləğ Azərbaycan milli valyutası ilə ifadədə 984 manatdır.
Sfera.az xəbər verir ki, yeni maaş həddi 2024-cü ildən tətbiq ediləcək.
Türkiyədə yüksək inflyasiya səbəbindən lirənin alıcılıq qabiliyyəti xeyli zəifləyib. Bununla əlaqədar olaraq, dövlət minimum maaşı kəskin şəkildə artırmalı olub.
Hazırda qardaş ölkədə qüvvədə olan minimum maaş 11 402 lirədir (659 manat).
Ekspertlər 2024-cü ildə də yüksək inflyasiya səbəbindən minimum maaşın yenidən artırılmasına ehtiyac yaranacağını proqnozlaşdırır.
Vasif