“Dünyada baş verən geosiyasi hadisələrlə bağlı iqtisadi proqnoz vermək çox çətindir. Amma 2024-cü ildə dünyanı iqtisadi baxımdan bir sıra dəyişiklər gözləyir”.

Sfera.az xəbər verir ki, bunu iqtisadçı ekspert Eldəniz Əmirov deyib:

“Qlobal iqtisadiyyatda infilyasiyanın eniş sürəti 2023-cü illə müqayisədə azalacaq və qloballaşmadan “yorulan” dünya iqtisadiyyatının ayrı-ayrı bloklara bölünməsi prosesi sürətlənəcək. Yaxın Şərqdə münaqişə genişlənərsə enerji bazarlarında və əsas ticarət yollarında əhəmiyyətli fasilələr yaranaraq yüksək enerji və ərzaq qiymətlərinin formalaşmasına təsir edəcək”.

Ekspert həmçinin əlavə edib ki, 2024-cü ildə yaşıl enerji layihələrinin və dekarbonizasiya prosesinin dinamikaları artacaq:

“Bundan əlavə qeyd edim ki, ABŞ dolları digər valyutalarla müqayisədə ucuzlaşacaq. Amma ümumi şəkildə gələn il ABŞ, Rusiya, Hindistan və Avropa ölkələrində baş tutacaq seçkilərdə surpriz neqativlər və dünyaya təsir etmək gücündə olan subyektlərin fəsadlı planları üzə çıxmasa, 2024-cü il dünya üçün iqtisadi cəhətdən son beş ilin (2020-2024) ən pozitiv iqtisadi ili olacağını ehtimal etmək olar”.

Ülkər Abdurahmanlı