OPEC üzvlərinin sayı azaldı – Bu ölkə təşkilatı tərk edib

Neft hasilatının tənzimlənməsi ilə bağlı yaranan narazılıq səbəbindən Anqola Neft İxrac Edən Ölkələr Təşkilatından (OPEC) çıxıb. 

Sfera.az xəbər verir ki, Anqola Afrikada yerləşir və bu ölkə 16 il OPEC-in üzvü olub. 

OPEC son aylarda hasilatın azaldılması ilə bağlı qərarlar qəbul edir. Anqola hökuməti ölkəsində hasilatın azalmasını nəzərə alaraq OPEC-in istəyi ilə neft istehsalını bir qədər də azaltmağı düzgün hesab etməyib. Buna görə də Anqola OPEC-dən ayrılmağı daha düzgün qərar sayıb. 

Anqolanın OPEC-dən çıxmasından sonra təşkilatın üzvlərinin sayı 12-yə düşüb.  

Xatırladaq ki, OPEC-in və onunla əməkdaşlıq edən digər ölkələrin (bura Azərbaycan da daxildir – red.) hasilatla bağlı ortaq qərarlarından sonra neft qiymətləri optimallaşıb. Öhdəliklərə uyğun olaraq Azərbaycan da neft hasilatını azaldıb. 

Vasif