Rusiya böyük miqdarda taxıl istehsal edib – SON RƏQƏM

Bu il Rusiyada taxıl istehsalı 147 milyon tona çatıb.

Sfera.az TASS-a istinadən xəbər verir ki, bu barədə kənd təsərrüfatı nazirinin birinci müavini Oksana Lut məlumat verib.

Xatırladaq ki, ötən il Rusiya 157,6 milyon ton taxıl məhsulları istehsal etmişdi.

Builki nəticə keçən ilki nəticədən zəif olsa da, 2021-ci illə müqayisədə istehsalda 25 milyon tondan çox artım var.

Rusiyada taxıl istehsalının miqdarının çox olması dünyada taxıl qiymətlərinin səviyyəsinə birbaşa təsir edir. Çünki Rusiya dünyada ən çox taxıl ixrac edən ölkədir.

Ukrayna-Rusiya müharibəsi başlayandan sonra Qara dəniz vasitəsilə taxıl ixracında çətinlik yarandığından qiymətlərdə artım baş vermişdi. Lakin son aylarda taxıl qiymətləri 2022-ci ilin birinci yarısı ilə müqayisədə daha əlverişlidir. Qiymətlərin əlverişli olmasında Rusiyanın taxıl istehsalını artırmasının böyük rolu var.

Vasif