Son iki ayda Azərbaycanda xarici valyuta təklifinin artması tələbin isə azalması müşahidə edilir. Bu vəziyyətdə manatın bahalaşmaması üçün Azərbaycan Mərkəzi Bankı (AMB) bazara alışyönlü müdaxilə edərək böyük məbləğdə xarici valyuta alıb. 

Sfera.az AMB-yə istinadən xəbər verir ki, profisitli xarici ticarət balansı şəraitində (9 ayda 13,9 milyard dollar) ilin əvvəlindən bəri Mərkəzi Bankda keçirilən valyuta hərraclarının 99%-də təklif tələbi üstələyib. Bu səbəbdən 10 ayda AMB valyuta bazarına müdaxilə edərək 1,248 milyard dollar alıb. 

Bunun nəticəsində AMB-nin valyuta ehtiyatları 10 ayda 16,8% və ya 1,5 milyard dollar artaraq 10,5 milyard dollara çatıb.

Valyuta ehtiyatları son iki ayda daha böyük fərqlə artıb. Ehtiyatlar sentyabrda 411 milyon dollar, oktyabrda 725 milyon dollar artıb. Bu fakt onu göstərir ki, son 2 ayda valyuta bazarında dollar bolluğu yaranıb. Bazarda dollar alan az olmaqla yanaşı dollar satışı da artıb. 

Vasif