Azərbaycan Respublikası Mərkəzi Bankının (AMB) İdarə Heyətinin qərarı ilə uçot dərəcəsi 9%-dən 8,5%-ə, faiz dəhlizinin aşağı həddi 7,5%-dən 7%-ə, faiz dəhlizinin yuxarı həddi isə 10%-dən 9,5%-ə endirilib.

Sfera.az AMB-yə istinadən xəbər verir ki, ölkəmizdə uçot dərəcəsi sonunci dəfə 2020-ci ildə endirilmişdi. 2021-ci ildən isə bir qayda olaraq uçot dərəcəsi artırılırdı. 

Son 3 ildə uçot dərəcəsinin davamlı artırılmasının səbəbi yüksək inflyasiya ilə bağlıdır. Xüsusən 2022-ci ildə və 2023-cü illərin birinci yarısında inflyasiya səviyyəsinin rekord həddə yüksəlməsi AMB-ni faizləri artırmağa məcbur edib. 

Amma son aylarda inflyasiya səviyyəsində enmə müşahidə edilir. Dövrü inflyasiya hələ də ikirəqəmli səviyyədə olsa da illik inflyasiya xeyli düşüb. 2023-cü ilin sentyabr ayının məlumatına görə, illik inflyasiya 5 faizə qədər azalıb. 

Gözlənilir ki, illik inflyasiyada azalma ilin sonuna qədər davam edəcək və bu səbəbdən dövrü inflyasiya təkrəqəmli səviyyəyə düşəcək. Bunu nəzərə alaraq AMB faiz dərəcələrinin endirilməsinə qərar verib. 

Vasif