Rusiya əhalisi borcla yaşayır – İki və daha çox krediti olanların sayı sürətlə artır
Rusiya Mərkəzi Bankının məlumatına görə, ölkədə borcalanların dörddə birindən çoxu eyni vaxtda üç və ya daha çox kredit götürənlərdir.
Sfera.az xəbər verir ki, banklara və mikromaliyyə təşkilatlarına borcu olan rusiyalıların sayı 46,7 milyona yüksəlib.
Mərkəzi Bank bildirir ki, 2023-cü ilin yanvar-iyul aylarında borcu olan müştərilərin ümumi sayı 2,1% artıb. Bu da əsasən bank müştərilərinin getdikcə daha çox kredit alması hesabına baş verib. Belə ki, təkcə 2023-cü ilin birinci yarısında üç və ya daha çox krediti olan borcalanların sayı 14,3% artaraq 11,2 milyon nəfərə çatıb. İl ərzində belə debitorların sayı 2,2 milyon nəfər artıb. Eyni dövrdə iki krediti olan müştərilərin sayı 7,5% artaraq iyulun 1-nə 10 milyon nəfərə çatıb.
Mərkəzi Bank həmçinin, çoxlu krediti olan (üçdən çox) borcalanlar qrupunda borc həcmlərində əhəmiyyətli artım da qeydə alıb.
Vasif