İsrail-Fələstin münaqişəsi uzandıqca neft qiymətləri də aşağı düşür.

Sfera.az bildirir ki, Şimal dənizi Brent markalı neftin dekabr çatdırılması üzrə fyuçers müqavilələrinin dəyəri bir barel üçün 92 dollardan aşağı düşüb. Bunu London ICE birjasının saytında dərc olunan məlumatlar da təsdiqləyir.

Əmtəə kotirovkaları bir barel üçün 91,25 dollara çatıb. Əvvəlki ticarət sessiyasının bağlanış səviyyəsinə azalma 0,98 faiz təşkil edib. Yanvar tədarükləri üzrə fyuçers müqavilələrinin dəyəri oxşar dinamika nümayiş etdirib. Kotirovkalar 0,94 faiz azalaraq 90,03 dollar/barelə düşüb.

Analitiklər neft tədarükünün qiymətinin aşağı düşməsini İsrail ordusunun Qəzza zolağına qurudan müdaxiləsinin ləngiməsi ilə əlaqələndirirlər. Döyüş əməliyyatlarının eskalasiyasının təxirə salınması isə ABŞ və Avropa İttifaqının hakimiyyət orqanlarının yaraqlılar tərəfindən saxlanılan girovların azad edilməsi üçün vaxt udmaq üçün göstərdiyi diplomatik səylərlə bağlı olub.

Əzizə