Dünən ABŞ Federal Ehtiyat Sisteminin (FES) yüksək faiz dərəcələrinin uzun müddət saxlanılacağı ilə bağlı açıqlaması dolların bir qədər də bahalaşmasına səbəb olub. 

Sfera.az xəbər verir ki, bu açıqlamadan sonra Dollar İndeksi 0,5 faiz artaraq 105,2 həddinə çatıb. Bu səviyyə son 6 ayda qeydə alınan ən yüksək səviyyədir. 

İndeksin yüksəlməsi avronun və bir çox valyutaların dollar, həmçinin manat qarşısında ucuzlaşmasına səbəb olub. Bu gün bir avro 1,8 manata geriləyib. 

Kommersiya banklarının bir çoxunda isə avronun alış qiyməti 1,77 manata, satış qiyməti 1,83 manata düşüb. 

Manatın dollara paralel olaraq digər valyutalara nisbətən bahalaşması Azərbaycana idxal edilən inflyasiyanın zəifləməsinə də səbəb olur. Bu baxımdan baha dollar yüksək inflyasiyanın müşahidə edildiyi indiki dövrdə ölkəmiz üçün əlverişlidir.  

Vasif