Gələn il neft qiymətləri azalacaq - Fitch
![Gələn il neft qiymətləri azalacaq - Fitch](https://sfera.az/photo/orginal/2023/09/15/1694803853_1fd80826411b92da8c5ff201c2814f56.jpeg)
22:40 / 15.09.2023
10046
“Fitch Ratings” Beynəlxalq Reytinq Agentiyinin proqnozuna görə, 2023-cü ilin sonunda neftin orta qiyməti 80 dollar olacaq. 2024-cü ildə bu göstərici 75 dollara, 2025-ci ildə 70 dollara qədər azalacaq.
Agentlik analitiklərinin fikrincə, bu ilin sonunda yapon yeninin ABŞ dollarına nisbətdə məzənnəsi 145 yen/1 dollar, 2024-cü ilin sonunda 135 yen, 2025-ci ilin sonunda isə 125 yen civarında olacaq.
Yaxın üç ildə vahid Avropa valyutasının məzənnəsi 0,92 avro/1 dollar təşkil edəcək.
Funt sterlinqin 2023-2024-cü illərdə 1,25 dollar, 2025-ci ildə isə 1,2 dollar olacağı gözlənilir.
Çin valyutası üzrə bu ilin sonunda proqnoz 7,2 yuan/1 dollar, növbəti iki il üçün isə 7,3 yuan/1 dollar təşkil edir.