İnflyasiya tədricən zəifləyir – İlin sonunda bahalaşma təkrəqəmli ola bilər

Azərbaycanda 2023-cü ilin fevralından sonra dövrü inflyasiyanın sürətində baş verən azalma avqustda da davam edib.

Sfera.az Dövlət Statistika Komitəsinə istinadən xəbər verir ki, bu ilin yanvar-avqust aylarında inflyasiya səviyyəsi 11,7 faizə düşüb.

Bundan öncəki ayda dövrü inflyasiya 12,2 faiz, fevralda isə 13,9 faiz idi.

İnflyasiya sürətinin azalması əsasən ərzaq qiymətlərindəki artım sürətinin zəifləməsi ilə bağlıdır. Avqustda ərzaq qiymətlərində artım 13,4 faizı geriləyib ki, bu da ümumi mal və xidmət qiymətlərinin artım sürətini zəiflədib.

Mövcud dinamika göstərir ki, 2023-cü ilin yekununda dövrü inflyasiyanın 10 faizə düşməsi, hətta təkrəqəmli həddə enməsi də mümkündür. Əgər qiymətləri dövlət tərəfindən tənzimlənən xidmətlərdə və mallarda bahalaşma olmasa, ilin sonunda inflyasiyanın 9,5-10,5 faiz aralığında olacaq.

Vasif