Rusiya milyonlarla ton Ukrayna taxılını oğurlayıb – ABŞ kəşfiyyatı
Rusiya 2022-ci ildə yığılan təxminən altı milyon ton Ukrayna taxılını oğurlayıb.
Sfera.az xəbər verir ki, ABŞ kəşfiyyatı bu məlumatları peyk şəkillərinə və açıq mənbələrdən gələn mesajlara əsaslanaraq yayıb.
Materiala görə, 2022-ci ildə Rusiya tərəfindən işğal olunmuş ərazilərdən oğurlanmış taxıl yük gəmiləri vasitəsilə Suriya, İsrail, İran, Gürcüstan və Livan limanlarına göndərilib. Taxılın daşınması üçün Rusiya Türkiyə sahillərindən istifadə edib.
ABŞ kəşfiyyatının hesablamalarına əsasən 2022-ci ilin birinci yarısında Rusiya 100 milyon dollar dəyərində 500 min tona qədər Ukrayna buğdasını oğurlayıb. Bu yüklərin böyük hissəsi yük maşınları ilə işğal olunmuş Krımdakı limanlara çatdırılıb, oradan isə gəmilərlə daşınıb.
2022-ci ilin ikinci yarısında taxıl oğurluğu artıb. Oğurlanan taxılın bazar dəyəri 600 milyon dollar təşkil edib.
Vasif
