Türkiyənin xarici ticarəti acınacaqlı durumda - 120 milyard dollarlıq kəsir
Türkiyənin xarici ticarətindəki neqativ proseslər 2023-cü ildə də davam edərək daha acınacaqlı vəziyyətin yaranmasına səbəb olub.
Sfera.az Türkiyə Statistika Təşkilatının (TÜİK) açıqladığı məlumatlara istinadən xəbər verir ki, iyulda xarici ticarət kəsiri illik müqayisədə 14,2 faiz artaraq 12,22 milyard dollar olub. Bununla da 12 aylıq xarici ticarət kəsiri 120,71 milyard dollara yüksəlib.
Türkiyədə 12 aylıq xarici ticarət kəsiri mayda rekord səviyyəyə - 122,27 milyard dollara çatmıışdı.
Türkiyədə idxalın ixracla müqayisədə daha sürətlə artması müşahidə edilir. İyulda ixrac əvvəlki ilin eyni ayına görə 8,3 faiz artdığı halda, idxal 10,5 faiz artıb.
Türkiyənin ixracı idxalın 63,4 faizini kompensasiya edə bilir.
Qeyd edək ki, Türkiyənin məhz xarici ticarət kəsirinin böyük olması lirənin ucuzlaşmasına səbəb olur. Lirənin ucuzlaşması isə idxalın azalmasına səbəb olmalıdır. Lakin bu dinamika Türkiyənin xarici ticarətində müşahidə edilmir.
Vasif
