Dövlət istiqrazlarının gəlirliliyi 15 ilin zirvəsinə çatdı
Dünyada dövlət istiqrazlarının gəlirləri son 15 ilin ən yüksək səviyyəsinə çatıb.
Sfera.az “Bloomberg”ə istinadən xəbər verir ki, istiqrazların gəlirliliyinin artması ayrı-ayrı ölkələrə dair güclü iqtisadi göstəricilərin açıqlanması və bunun fonunda mərkəzi bankların sərt pul-kredit siyasətini hələ bir müddət davam etdirəcəyinə dair ümidlərin yaranması ilə bağlıdır.
Qlobal dövlət istiqrazlarının ümumi gəlirliliyini hesablayan “Bloomberg” indeksi üzrə gəlirlilik avqustun 16-da 3,3 faiz artaraq 2008-ci ilin avqustundan bəri ən yüksək səviyyəyə çatıb.
ABŞ-nin 10 illik xəzinədarlığının gəlirliliyi cümə axşamı günü 4 baza bəndinə yaxın artaraq 4,28%-dən çox olub ki, bu da 2007-ci ildən bu yana qeydə alınan ən yaxşı göstəricilərdən biridir.
Avstraliyanın 10 illik istiqraz faizi ölkədə açıqlanan işsizlik məlumatlarından sonra 10 baz bənd artıb, Yeni Zelandiyanın 10 illik istiqraz faizi isə 11 bənd artaraq 2011-ci ildən bəri ilk dəfə 5 faizi keçib.
Qeyd edək ki, Azərbaycanın Dövlət Neft Fondu da xarici dövlətlərin istiqrazlarına sərmayə qoyur. Hazırda fondun 55 milyard dollarlıq aktivi var. Aktivlərin 60,1 faizi, yəni 33 milyard dollara yaxını istiqrazlar və pul bazarı alətlərindədir. İstiqrazlar üzrə gəlirliliyin artması fondun aktivlərinin həcminin böyüməsinə səbəb olacaq.
Vasif
