2023-cü ilin hər ayında mağazalarda 433 manat xərcləmişik - STATİSTİKA
2023-cü ilin birinci yarısında Azərbaycanda pərakəndə ticarət mağazalarında hər ay adambaşına xərclənən pul 432,5 manata yüksəlib.
Sfera.az xatırladır ki, ötən ilin birinci yarısında mağazalarda adambaşına 373,5 manat xərclənmişdi.
Bir il ərzində insanların adambaşına aylıq xərcləri 59 manat, yəni 15,8 faiz artıb.
Xərclərin bu qədər artmasının səbəbi daha çox yüksək inflyasiya ilə bağlı olub. Mağazalarda ərzaq və qeyri-ərzaq mallarının alınmasına çəkilən xərcin 12,8 faizi bahalaşma, 3 faizi isə alınan malların miqdarındakı artımla bağlıdır.
Əhali xərclərin daha çox hissəsini ərzaq mallarının alınmasına yönəldib. Aylıq 433 manat xərcin 244 manatı ərzağın, 189 manatı qeyri-ərzağın alınmasına ayrılıb.
Son bir ildə ərzağa çəkilən xərc 34 manat, qeyri-ərzağa çəkilən xərc 25 manat artıb.
Vasif