Dövlət Statistika Komitəsi (DSK) 2023-cü ilin yanvar-iyun aylarını əhatə edən istehlak qiymətləri indeksini açıqlayıb.

Sfera.az DSK-ya istinadən xəbər verir ki, bu dövrdə qiymətlər 2022-ci ilin yanvar-iyun aylarına nisbətən 12,7 faiz, o cümlədən ərzaq məhsulları, içkilər və tütün məmulatları üzrə 15,1 faiz, qeyri-ərzaq məhsulları üzrə 11,4 faiz, əhaliyə göstərilmiş ödənişli xidmətlər üzrə 10,5 faiz artıb.

2023-cü ilin iyun ayında istehlak qiymətləri əvvəlki aya nisbətən 0,91 faiz enib, əvvəlki ilin iyun ayına nisbətən isə 10,6 faiz artıb.

DSK-nın məlumatına görə fevraldan başlayaraq inflyasiya sürətində zəifləmə baş verir. Belə ki, yanvar-fevralda 13,9 faiz olan inflyasiya səviyyəsi son 4 ayda 1,2 faiz bəndi azalıb.

İnflyasiya sürətinin zəifləməsi ərzaq mallarının dəyərindəki bahalaşma tempinin azalmaslı ilə bağlıdır. 2023-cü ilin iyun ayında ərzaq məhsulları, içkilər və tütün məmulatları üzrə qiymət səviyyəsi əvvəlki aya nisbətən 2,1 faiz azalıb, əvvəlki ilin iyun ayına nisbətən isə 11,5 faiz artıb.

Vasif