İngiltərənin araşdırma və təhlil təşkilatı “Clarkson Research” tərəfindən verilən açıqlamaya əsasən dünyada gəmi istehsalı ilə bağlı ən çox sifarişi Çin gəmi istehsalçıları alır.

Sfera.az xəbər verir ki, ilin birinci yarısında dünya üzrə gəmi sifarişlərinin ümumi sayı 678 təşkil edib. Çin gəmi istehsalçıları bu sifarişlərdən 428-ni, yəni 63 faizini alıb.

Çin iyun ayında 71 gəmi sifarişi alıb ki, bu da dünya üzrə ümumi sifarişin 80 faizini təşkil edir.

2022-ci ildə Çin həm istehsal, həm də alınan sifarişlər baxımından ən böyük paya malik olmaqla dünya reytinqində birinci yerdədir. Çin Milli Gəmiqayırma Sənayesi Dərnəyi, 2022-ci ildə ölkənin tərsanələrində həyata keçirilən istehsalın ötən il dünya istehsalının 47,3 faizini təşkil edərək 37,86 milyon tona çatdığını açıqladı. Gəmiqayırma sənayesinin digər mühüm göstəricisi olan yeni sifarişlərə gəlincə, Çin 2022-ci ildə dünya bazarında 55,2 faiz pay alaraq 45,52 milyon tona çatıb. Sektorun gözlənilən sifarişlərinin tonajı əvvəlki ilə nisbətən 10,2 faiz artaraq 105,57 milyon ton olub. Bu, dünya bazarının 49%-nə uyğundur.

Vasif