Qarabağ daha sürətlə bərpa ediləcək: Üç ildə 10 milyard manatdan çox vəsait xərclənəcək
Azərbaycan dövləti işğaldan azad olunan Qarabağ və Şərqi Zəngəzurda həyata keçirilən tikinti, bərpa və yenidənqurma işlərinə ayrılan vəsaiti 2023-cü ildə 2 dəfə artıraraq üçillik xərcləri 10 milyard dollara çatdıracaq.
Sfera.az xəbər verir ki, 2023-cü ilin dövlət büdcəsinə təklif edilən dəyişikliyə əsasən, işğaldan azad edilən ərazilərin bərpasına ayrılacaq illik xərclər 2,26 milyard manatdan 5,26 milyard manata çatdırılacaq.
Əgər bu vəsaitlərin hamısı xərclənərsə, 2021-2023-cü illəri əhatə edən üçillik dövrdə bərpa işlərinə xərclənən pul 10,108 milyard manatı ötəcək.
Xatırladaq ki, işğaldan azad olunan ərazilərdə tikinti, bərpa və yenidənqurma işlərinə 2021-ci ildə 2,1784 milyard manat, 2022-ci ildə 2,67 milyard manat xərclənib.
Vasif
