Azərbaycanda 16 917 hüquqi şəxs statusu olan xarici müəssisə var. 

Sfera.az xəbər verir ki, açıqlanan son məlumatlara görə, ölkəmizdə olan müəssisələrin 9,1 faizi əcnəbilərə məxsusdur. 

Əcnəbilərə məxsus müəssisələrin daha çox hissəsi ticarət sahəsi üzrə fəaliyyət göstərir. Burada 4800 hüquqi şəxs statusu olan sahibkarlıq subyekti var.

Əcnəbilər ticarət sahəsindən başqa inzibati və yardımçı xidmətlərin göstərilməsi (2239 müəssisə), peşə, elmi və texniki fəaliyyət (1828 müəssisə), turistlərin yerləşdirilməsi və ictimai iaşə (1700 müəssisə), tikinti (1502 müəssisə) sahələrində fəaliyyət göstərməyə üstünlük verirlər. 

Elektrik enerjisi, qaz və buxar istehsalı, bölüşdürülməsi və təchizatı (13 müəssisə), su təchizatı; tullantıların təmizlənməsi və emalı (39 müəssisə) sahələrinə isə əcnəbilər çox maraq göstərmir. 

Sahələr üzrə götürdükdə müəssisələrin turistlərin yerləşdirilməsi və ictimai iaşə sektorunda 37,5 faizi, mədənçıxarma sənayesində 23 faizi, inzibati və yardımçı xidmətlərin göstərilməsi sektorunda isə 22,2 faizi əcnəbilərə məxsusdur. 

Vasif