SOCAR 100 milyon dollarlıq istiqraz satdı
İqtisadiyyat
12:41 / 15.10.2016
1399
Azərbaycan Respublikasının Dövlət Neft Şirkətinin (SOCAR) istiqrazlarının yerləşdirilməsi başa çatıb.
Sfera.az "Marja”ya istinadən xəbər verir ki, hər birinin nominal dəyəri 1000 ABŞ dolları olan 100 min ədəd istiqraz investorlara satılıb. SOCAR satış qarşılığında 100 milyon dollar cəlb edib.
Dünən Bakı Fond Birjasında hər birinin nominal dəyəri 1 000 ABŞ dolları olan 100 000 ədəd faizli, təmin edilməmiş, sənədsiz adlı SOCAR istiqrazlarının yerləşdirilməsinə başlanıb.
SOCAR istiqrazlarına abunə yazılışına 20 Sentyabr 2016-cı il tarixində başlanıb, 10 Oktyabr 2016-cı il tarixində başa çatmışdı.
Yerləşdirmə zamanı istiqrazlar abunə yazılışları arasında bölüşdürülüb. Yerləşdirmə prosesində fiziki şəxslər (əhali) daha çox üstünlüyə malik olublar.
Gələn həftənin bazar ertəsindən isə SOCAR istiqrazlarının təkrar bazarı başlayacaq. İstiqraz sahibləri təkrar bazarda istiqrazını sata, istiqrazı olmayanlar isə ala bilərlər.
Dəyəri 100 mln. dollar təşkil edən SOCAR istiqrazlarının buraxılışı qarşılığında ümumilikdə 203 milyon 604 min dollarlıq sifariş toplanıb.
