Bəzi supermarketlərdə ƏDV üçün müraciət olunduqda alıcılara "bu subyekt vergi ödəyicisi deyil" cavabı verilir. Bəzən isə çeki əlavə edərkən "bu çek artıq sistemə vurulub" xəbərdarlığı ilə qarşılaşırıq.

Mövzu ilə bağlı Sfera.az-a danışan iqtisadçı ekspert, millət vəkili Vüqar Bayramov ƏDV-nin qaytarılması məsuliyyətinin birbaşa müəssisənin üzərində olduğunu deyib:

“Bir sıra ticarət obyektlərində alış-verişdən sonra çeklər təqdim edilən zaman ƏDV-nin geri qaytarılmasının mümkün olmaması həmin ticarət obyektinin ƏDV ödəyicisi olmaması ilə bağlıdır. Təklifimiz ondan ibarətdir ki, dövriyyəsi nisbətən böyük olan bütün ticarət obyektlərində ƏDV-nin geri qaytarılması təmin olunsun”.

Deputat bu istiqamətdə islahatların aparılmalı olduğunu qeyd edib:

“Müəssisə ƏDV ödəyicisi olmalıdır ki, vətəndaşlar bu imkandan istifadə edə bilsin. Bu istiqamətdə islahatların davam etdirilməsi, dövriyyəsi nisbətən böyük olan ticarət obyektlərinin ƏDV subyekti kimi fəaliyyət göstərməsinə ehtiyac var”.

Əzizə