Rusiyada verilən ipoteka kreditlərinin orta müddəti 2023-cü ildə 27 ilə (324 ay), ortaaylıq ödəniş 660 manata yüksələcək. 

Sfera.az “RBC.ru”ya istinadən xəbər verir ki, 2022-ci ilin sonuna olan məlumata görə ipoteka kreditləri üzrə orta müddət 24 il olub.

İllik faiz dərəcəsi isə hazırda 7,86 faizdir. İpoteka faizlərinin birinci rübün sonunda 8 faizə, ilin sonunda 9 faizə yüksəlməsi gözlənilir. 

Müqayisə üçün bildirək ki, Azərbaycanda ipoteka kreditləri üzrə orta müddət 23,5  il (282 ay), ortaaylıq ödənişlər 410 manat təşkil edib. Kreditlər üzrə illik faiz dərəcəsi isə orta hesabla 6,34-dür. 

Göründüyü kimi Rusiyada kreditlər daha uzun müddətə verilsə də faizlər daha yüksəkdir. Əgər Azərbaycanda da kreditlər daha uzun müddətə verilərsə, aylıq ödəniş məbləği bir qədər də aşağı düşəcək. 

Ölkəmizdə 2015-ci ildə ipoteka kreditləri üzrə orta müddət 279,4 ay (23,3 il) idi.

Vasif