Azərbaycan banklarının xarici borcu artır. 

Sfera.az Mərkəzi Banka istinadən xəbər verir ki, 2023-cü ilin yanvarın sonunda xarici öhdəliklərin həcmi 1,815 milyard manata yüksəlib. Bu məbləğ dekabrda qeydə alınan məbləğdən 53 milyon manat, ötən ilin yanvarındakı məbləğdən isə 749 milyon manat çoxdur. 

Ümumilikdə, 2021-ci ilin dekabrından bankların xarici öhdəlikləri artır. Artımlara baxmayaraq qeyd edək ki, xarici borcun indiki həcmi devalvasiyadan sonra yaranan borc həcmindən xeyli azdır. 2015-ci ilin sonunda bankların xarici borcu 8,247 milyard manat idi. 2021-ci ilin son aylarına qədər xarici borc azalaraq 1,023 milyard manata düşmüşdü.

Son bir ildə xarici öhdəliklərin kəskin artmasına səbəb xarici banklardan cəlb edilən qısamüddətli depozitlərin həcmindəki artımdır.

Vasif