AMB bu qərarı qəbul edərsə, dollar... - AÇIQLAMA

Avropa Mərkəzi Bankının (AMB) üzvü və Finlandiya Mərkəzi Bankının sədri Olli Rehn hesab edir ki, qış və yaz aylarında uçot dərəcəsi ciddi şəkildə artırılmalıdır. 

Sfera.az “Bloomberg”ə istinadən xəbər verir ki, Rehn AMB-nin iclaslarında faizlərin dərəcələrinin artırılması yönündə səs verəcəyini bildirib.

O qeyd edib ki, faizlərin artırılmasında məqsəd avrozonada vətəndaşların alıcılıq qabiliyyətini azaldaraq inflyasiyanın azalmasına kömək etməkdir. 

Onun fikrincə, inflyasiyanı normal səviyyəyə endirmək üçün AMB-nin faizi 3,25 olmalıdır. Hazırda faiz dərəcəsi 2,5-dir. 

Bildirək ki, əgər AMB Rehnin təklif etdiyi faizləri 3,25 həddinə qaldırarsa, ABŞ dolları bir qədər də ucuzlaşacaq. Çünki ABŞ dollarının məzənnəsinin formalaşmasında avronun təsiri daha güclüdür. Son aylarda məhz avronun bahalaşması dolların məzənnəsinə ciddi təsir edib və dollar 11,5 faiz ucuzlaşıb. Üç ay əvvəl 0,95 olan avro/dollar məzənnəsi hazırda 1,09 həddini ötüb. 

Vasif