Ötən ilin noyabrından xalis qızılın (999,99 əyar) dəyərində müşahidə edilən yüksəliş davam edir. 

Sfera.az xəbər verir ki, qızılın bir troya unsiyasının dəyəri bu həftə bir qədər də yüksələrək 1 923 dollara və ya qramının dəyəri 62 dollara çatıb. 

Həftə ərzində qızıl 2,3 faiz bahalaşıb. Qızılın bahalaşmasının müşahidə olunduğu ötən ilin noyabrından bəri isə “nəcib metal”ın dəyəri 18,5 faizə yaxın artıb. Bu müddətdə bir qram qızılın qiyməti 52 dollardan 62 dollara qədər yüksəlib. 

Qızılın bahalaşması Azərbaycan Dövlət Neft Fondunun aktivlərinin dəyərini artırır. Neft Fondunun 101,8 ton, yəni 3 272 975 troya unsiya qızılı var. Mövcud qiymətlərlə Fondun sahib olduğu qızılın dəyəri 6,3 milyard dollara yaxındır. Amma 3 ay əvvəl Fondun qızılının dəyəri 1 milyard dollar az idi. 

Vasif