Köhnə qitədə qazın qiyməti 700 dollardan aşağı düşdü
Bu gün Avropada qazın 1000 kubmetrinin qiyməti 700 dollardan aşağı düşüb.
Sfera.az xəbər verir ki, Avropada qazın qiymətinin 700 dollardan aşağı olması sonuncu dəfə 2021-ci ilin sentyabrında müşahidə olunub.
Qeyd edək ki, bu qiymətlər gündəlik satılan qazın qiymətidir. Hollandiyanın TTF qovşağında gündəlik satılan qazın fevral fyuçerslərinin qiyməti ticarət başlayanda 696,4 dollar olub.
Avropada qazın qiymətindəki eniş artıq üçüncü həftədir ki, davam edir. Dekabrın 22-də Avropa İttifaqının qaz qiymətlərinin yuxarı həddini rəsmi olaraq 1 960 dollar müəyyən etməsi ucuzlaşmanı bir qədər də gücləndirib.
Xatırladaq ki, Avropada qaz qiymətləri uzun müddət 1000 dollardan baha idi, hətta bəzi tarixlərdə qiymətlər 1500 dolları ötmüşdü. Rusiyanın Avropaya qaz ixracını azaltması da qiymət enmələrinin qarşısını ala bilmir.
Vasif
