Avropada qazın ucuzlaşması davam edir. Artıq üçüncü həftədir ki, Niderlanddakı TTF qovşağında gündəlik müəyyənləşən qaz qiymətləri enir. 

Sfera.az xəbər verir ki, bu gün 1000 kubmetr üçün qazın qiyməti 750 dollara qədər enib. Mövcud qiymət sonuncu dəfə 18 fevral 2022-ci ildə müşahidə edilmişdi. 

Avropada qazın qiymətindəki eniş havaların mülayim keçməsi və 2022-ci ilin dekabrın 22-də Avropa İttifaqının idxal qazının qiymətinə limit tətbiq etməsi ilə izah olunur. 

Avropa ölkələri idxal qazının böyük hissəsini Rusiyadan alırdı. Rusiyanın Avropaya satdığı qazın həcmini bir neçə dəfə azaltmasına baxmayaraq qaz bahalaşmır, əksinə ucuzlaşır. 

Vasif

Sfera.az