2022-ci ilin noyabr ayında Azərbaycana idxal edilən buğdanın bir tonunun qiyməti 570,75 manat olub. 

Sfera.az rəsmi məlumatlara istinadən xəbər verir ki, ötən ay qeydə alınan qiymət oktyabrla müqayisədə qismən yüksəkdir. Azərbaycan oktyabrda buğdanın tonunu 569,15 manatdan almışdı. 

Son aylarda isə Azərbaycanın idxal etdiyi ərzaqlıq buğdanın dəyəri nəzərəçarpacaq dərəcədə enib. 

2022-ci ilin iyulunda idxal edilən ərzaqlıq buğdanın bir tonunun qiyməti 696,53 manat olduğu halda avqustda 628,78 manat, sentyabrda 596,24 manat olmuşdu. 

Azərbaycan buğdanı əsasən un istehsalı üçün idxal edir. 2022-ci ilin yanvar-noyabr ayları ərzində xaricdən 1,168 milyon ton buğda alınıb. Bu qədər buğdanın alışına 398 milyon dollar və ya bir ton buğdaya 340,8 dollar (579,36 manat) ödənilib. 

Vasif