İşçilərin 77 faizi bu səbəbdən iş yerini itirir - STATİSTİKA
Azərbaycanda işçi qüvvəsinin hərəkətinə təsir edən səbəblər açıqlanıb.
Sfera.az Dövlət Statistika Komitəsinə istinadən xəbər verir ki, 2021-ci ildə 415 511 nəfər işə qəbul edilib, 397 509 nəfər işdən azad olunub.
İşdən azad edilənlərin 308 450 nəfəri, yəni 77,6 faizi öz xahişi ilə işdən xaric olunub.
İşçilәrin sayı vә ya ştatların ixtisar edilmәsi ilә әlaqәdar işdәn çıxanların sayı 6 383 nəfər, digər səbəblərə görə işdən ayrılanlar 82 676 nəfər olub.
Məlumata əsasən, sahələr üzrə daha çox ixtisarlar istirahət, əyləncə və incəsənət sahəsində qeydə alınıb. Burada işdən ayrılan hər 1000 nəfərdən 64-ü ixtisara düşüb. Bu göstərici maliyyə və sığorta sahəsində 58 nəfər, mədənçıxarma sənayesində 55 nəfər olub.
Ən az ixtisar inzibati və yardımçı xidmətlərin göstərilməsi sahəsindədir. Burada işdən ayrılan hər 1000 nəfərdən cəmi 3 işçi ixtisara salınıb.
Öz xahişi ilə işdən çıxanlar ticarət sektorundadır. Burada hər 1000 nəfərin 910 nəfəri öz xahişi ilə işdən ayrılıb.
Elektrik enerjisi, qaz vә buxar istehsalı, bölüşdürülmәsi vә tәchizatı sahələrində isə işdən ayrılanların 50 faizdən çoxu digər səbəblərdən işdən ayrılırlar.
Vasif