Bu amillər qızılın qiymətini 60 dollara qaldıracaq

Dolların ucuzlaşması və Ukrayna ətrafında vəziyyətin gərginləşməsi qızılın qiymətinin yüksəlməsinə səbəb olur.

Sfera.az xəbər verir ki, noyabr ayı ərzində xalis qızılın bir troy unsiyasının (31,1 qram) qiymətinin 1624 dollardan 1780 dollara yüksəlməsi məhz sadalanan amillərin təsiri altında baş verib. 

On beş gün əvvəl xalis qızılın bir qramının qiyməti 52,2 dollar olduğu halda, hazırda 57 dollardan yüksəkdir. 

Beynəlxalq birjalarda gözləntilər qızılın troy unsiyasının qiymətinin 1800 dolları keçəcəyi ilə bağlıdır. Ehtimal edilir ki, əgər qızılın dəyəri 1800 dollar həddini keçərsə, qiymət səviyyəsi 1850 dolları da ötəcək. Proqnozlar özünü doğruldarsa, o halda qızılın bir qramının qiyməti 60 dollara çatacaq, hətta bu həddi keçəcək.

Vasif