Türkiyə şirkətləri 42,1 milyard dollar xarici borc qaytaracaq
Türkiyənin Mərkəzi Bankı sentyabr ayı üzrə özəl sektorun xarici kredit borcuna dair məlumatı açıqlayıb.
Sfera.az xəbər verir ki, sentyabrın sonuna özəl sektorun ümumi xarici kredit borcu 2021-ci ilin sonu ilə müqayisədə 7,8 milyard dollar azalaraq 160,9 milyard dollar olub.
Xarici kredit borcunun 153,5 milyard dolları uzunmüddətli, 7,5 milyard dolları qısamüddətli olub. Kredit borcunda azalma uzunmüddətli borclarda qeydə alınıb. 2021-ci ilin sonu ilə müqayisədə uzunmüddətli kredit borcu 7,8 milyard dollar azalıb.
Türkiyənin özəl şirkətləri əsasən, ABŞ dollarında borc alır. Belə ki, 153,5 milyard dollarlıq uzunmüddətli kredit borcunun 66,1 faizi dollar, 30,5 faizi avro, 1,6 faizi türk lirəsi, 1,8 faizi isə digər valyutalardadır. Qısamüddətli 7,5 milyard dollarlıq borcun isə 41,3 faizi dollar, 39,1 faizi avro, 16,9 faizi türk lirəsi, 2,7 faizi isə digər valyutalardadır.
Türkiyənin özəl şirkətləri 2022-ci il ərzində 42,1 milyard dollar xarici borc qaytarmalıdır.
Vasif
