Dünyanın ən bahalı və ilk kriptovalyutası olan “Bitcoin”in yaradılmasından 14 il ötür. 

Sfera.az xəbər verir ki, kriptovalyutanın ixtiraçısı olan Satoşi Nakamoto 21 oktyabr 2008-ci ildə “Bitcoin”in texniki sənədini yayımlayıb. Bununla da dünyada ilk dəfə elektron nağd pul sistemi yaradılıb. 

Qeyd edək ki, Satoşi Nakamoto “Bitcoin”i yaradan adamın təxəllüsüdür. Həmin şəxsin əsl adı isə hələ də açıqlanmayıb. 

Nakamoto oktyabrın 21-də “Bitcoin”lə bağlı sənədi yayımlasa da, onunla bağlı ideya dünyaya 31 oktyabr 2008-ci ildə bəyan edilib. Bu səbəbdən oktyabrın 31-i “Bitcoin”in “anadan olduğu” gün kimi tarixə düşüb.

“Bitcoin”in özü isə texniki sənədin dərcindən bir neçə ay sonra buraxılıb və onun dəyəri 1 dollar səviyyəsinə iki il yarımdan sonra çatıb. 2021-ci ildə “Bitcoin”in qiyməti hələlik ən yüksək hədd olan 69 min manatı ötüb. 

Hazırda “Bitcoin” 20 500 dollara satılır.

Vasif,
Sfera.az