Enerji məhsullarının istehlakında dəyişiklik: Əhali qaz istehlakını sürətlə artırır 

Azərbaycan əhalisinin təbii qaz istehlakında son illərdə ciddi artım baş verib.

Sfera.az ev tәsәrrüfatlarında enerji mәhsullarının istehlakına dair rəsmi məlumatlara istinadən xəbər verir ki, son 5 ildə təbii qaz, istilik enerjisinin istehlakının artması, elektrik enerjisi və odun istehlakının isə azalması müşahidə olunub.

2017-ci il ərzində ev təsərrüfatları 2,826 milyard kub metr təbii qaz istehlak etmişdi. Bu göstərici 2020-ci ildə 3,79 milyard kub metrə çatıb, 2021-ci ildə 4 milyard kub metri ötüb. Beş il ərzində əhali qrupunda təbii qaz istehlakı 1,17 milyard kub metrdən çox, yəni 41,5 faiz artıb.

Ev təsərrüfatları 5 il ərzində istilik enerjisi istehlakını da artırıb. Əvvəllər 1 130 min Qkal olan istilik enerjisi istehlakı ötən il 1 237 min Qkal-a qədər artıb. Elektrik enerjisi istehlakı isə son 5 ildə 7,135 milyard kVt/saat-dan 6,96 milyard kVt/saat-a kimi azalıb. Odun istehlakında azalma daha böyük olub. Beş il əvvəl 26,4 min ton odun istehlak edən əhali ötən il 11,7 min ton odunla kifayətlənib.

Vasif,

Sfera.az