Türk lirəsi bu tarixə qədər 55 faizdən çox ucuzlaşacaq: Hökumətdən YENİ PROQNOZ

Türk lirəsi 2026-cı ilə qədər daha 55 faiz ucuzlaşacaq. 

Sfera.az xəbər verir ki, bununla bağlı proqnoz Türkiyə hökumətinin hazırladığı 2023-2025-ci illəri əhatə edən Orta Müddətli Proqramda əksini tapıb. 

Hökumətin proqnozuna əsasən, bu il dollar/lirə kursu 16,62 olacaq. Məzənnə 2023-cü ildə 21,52-yə, 2024-cü ildə 24,62-yə, 2025-ci ilin yekununda isə 25,77-yə qədər yüksələcək. 

Proqnozdan belə məlum olur ki, qarşıdakı 3 ildə dollar lirəyə nisbətən daha 55 faiz bahalaşacaq.

Xatırladaq ki, hazırda dollar/lirə kursu 18,2-dir. Təcrübə göstərir ki, Türkiyə hökumətinin məzənnə ilə bağlı proqnozu əksər hallarda özünü doğrultmur və fərq daha böyük olur. Buna görə də, qarşıdakı illərdə lirənin daha çox ucuzlaşacağını təxmin etmək mümkündür.  

Vasif,
Sfera.az