Dünyanın ən bahalı metalı ucuzlaşır: son 6 ayda 31 faiz dəyər itirib

Dünyanın ən bahalı metalı olan rodiumun bir qramının qiyməti son 6 ayda 31 faizdən çox azalaraq 453 dollara enib. 

Sfera.az xatırladır ki, 6 ay öncə rodiumun bir troyan unsiyasının (31,1 qram) qiyməti 20 300 dollar idi. Həmin tarixdə bir qram rodium 652 dollardan baha satılırdı. 
Rodiumun dəyəri 5-10 il əvvəl belə yüksək deyildi. 1995-ci ildə rodiumun qiyməti 5,5 dollar idi. Həmin ildə qızılın qiyməti isə 11-12 dollar ətrafında dəyişirdi. 
Amma avtomobillərə qarşı ekoloji tələblərin güclənməsi rodiumlara tələbi artırdığından bu əlvan metalın dəyəri sürətlə yüksəlməyə başladı. 

Rodiuma tələbin təxminən 80 faizi avtomobil sektorundan gəlir. Bu metaldan avtomobilin səsboğucu sistemində yerləşdirilən filtlərdə istifadə edilir. Həmin filtirlər atmosferə atılan zərərli qazların miqdarını azaldır. 

2016-cı ildən sonra rodiumun dəyəri daha sürətlə artmağa başlayıb və bir qramının dəyəri 2019-cu ildə 100 dollara, 2020-ci ildə 400 dollara, 2021-ci ilin aprelində isə 940 dollara çatıb. 

Sonrakı aylarda rodiumun qiyməti sürətlə ensə də o, hələ də, ən bahalı metaldır. İndi bir qram rodiumla 8 qram qızıl almaq olar. 

Vasif,
Sfera.az