Beynəlxalq kredit reytinqi agentliyi “Standard and Poor's” (S&P) iki aylıq fasilədən sonra Ukraynanın kredit reytinqini növbəti dəfə aşağı salıb.

Sfera.az xəbər verir ki, S&P Rusiyanın müdaxiləsindən dərhal sonra ölkənin kredit reytinqini “B”-dən “B-”-yə, sonra isə “CCC+” səviyyəsinə endirib. Bu dəfə S&P kredit reytinqini 3 pillə aşağı salaraq “CC” olaraq təyin edib.

Ölkənin reytinq üzrə proqnozu “mənfi” olaraq qalacaq. Reytinqlərin aşağı salınmasına səbəb kimi xarici borcun restrukturizasiyasının mümkünlüyü göstərilib.

Ötən həftə digər tanınmış reytinq agentliyi olan “Fitch” də ölkənin kredit reytinqini “CCC”dən “C”yə endirib.

Vasif
Sfera.az