Azərbaycanda 2026-cı ilə qədər tarif siyasəti sadələşdiriləcək və qiymətləri tənzimlənən mal və xidmətlərin sayı 15-dək azaldılacaq.

Sfera.az xəbər verir ki, hazırda 25 mal və xidmətlərin tariflərini dövlət müəyyənləşdirir.

“Azərbaycan Respublikasının 2022─2026-cı illərdə sosial-iqtisadi inkişaf Strategiyası”nda qarşıya qoyulan məqsədlərə uyğun olaraq qarşıdakı 5 il ərzində Tarif (qiymət) Şurası tərəfindən sosial əhəmiyyət kəsb edən mal və xidmətlərin tariflərinin tənzimlənməsinə, həmçinin mal və xidmətlərin siyahısına yenidən baxılacaq. Mərhələli şəkildə qiymətlərin dövlət tənzimlənməsi azaldılacaq.

Qiymətləri tənzimlənən mal və xidmətlərin siyahısı azaldılmaqla bərabər hüquqi hərəkət və xidmətlər üzrə xərcə əsaslanmayan tariflərin dövlət rüsumu və ya xidmət haqları ilə əvəzlənməsi də nəzərdə tutulur.

Vasif
Sfera.az